ماراح تقدر تنضبط في الدايت حتى تعرف الفرق بين جوع رغبة المشاعر والجوع الحقيقي .

كيف ؟

قبل لاتأكل أي شيء أسأل نفسك ثلاثة أسئلة :

هل سبب رغبتي في الأكل الان لأن جسمي يحتاجه ؟

أو لأني قاعد أدور شعور السعادة اللحظي إللي ينتج عن أستهلاك الأكل الضار؟

أقدر أكل سلطة عشان أسد جوعي أو راغب في أكله محددة؟

يوجد ثلاثة مكونات لما تجتمع في أكله وحده تسبب شعور إدماني:

- السكر
- الدهون
- الملح

والشركات الربحية تعرف الشيء هذا بشكل مفصل
وتمادو في التطور حتى أخترعوا أصناف لامنتهيه وفي تطور يومي مثل:

البيتزا
الدبل تشيز برقر
والفرنش فرايز
والصوصات والحلويات بشتى أنواعها لإرضاء إدمانك
وبالتالي زيادة إستهلاكك لمنتجاتهم .

لدرجة أن الأكل الطبيعي بالنسبة لك صار مستحيل بدون إضافات لتحسين الطعم ..

والإنضباط التام في الحياة المعاصرة مستحيل

ليش؟
لأن الشركات حرصت حرص تام على زرع عادات الأكل السيئة في كل المجتمعات

في حال كنت إنسان واعي..

أهلك ومجتمعك مستحيل يقتنعون بخطورة هذا الموضوع وراح تنحط في صراع دائم مع محيطك .

لأن كيف تسوي مناسبة بدون حلويات ؟

والحفلة ماتكتمل إلا بالكيكة؟

والسفر مايكتمل إلا بتجربة أكل شعوب وثقافات أخرى
وتجاهل تام للأثر السلبي الفوري إللي راح
يؤثر على مزاجك وبالتالي تخرب سفرتك
والقائمة ماتخلص ...

بعد ماتستوعب هذا الكورس ماقدامك الا حل واحد:
تمشي صح وتطنش
وماتحاول تقنع أحد إلا إذا اظهر لك علامات على التفهم
وتقبل المعلومات ...